alam alfan waladb
حكاية الحياة . بقلم الشاعر . أيمن شوقي . عالم الفن والأدب .
اهي دي حكاية الحياة
يوم تفرحنا وسنين تبكينا
ولما تقسي علينا اكتر
بتاخد منا اعز ما لينا
الفرح فيها سطور مكتوبة
والوجع متكفهوش دواوين
بنعيش ونرضي بالمقسومة
والصبر تعب من فراق الغالين
حروف الفرح فيها معدودة
وان مسكت القلم كتب حرفين
فرحتي في الحياة محبوسة
حتي سطور الفرح فيها انين
ليه تسيبيني وتوجعيني
وتفرحيلي في العذاب
خدتي كل الفرح ليكي
وسيبتي سطر في الكتاب
رسمتي بين الحبايب سور
شغلتي قلوبنا في مواويلك
زرعتي الفرحة في ارض بور
حصدنا الوجع من محاصيلك
