alam alfan waladb
كنت الأراجوز . كلمات وأشعار . الشاعرة والكاتبة . نجوي المغوري . عالم الفن والأدب
بتفسح_فِ_الدنيا . يوماااتي
وبتوه فِ الناس وف حكاويها
فِ عيوون بتحب إلتزاماتي
وعيوون خفاااش تخطف فيها
قاعدين بيخوضوا فِ حكاياتي!!!
علي أي أساس!!!
يكفيك شر اللمه ياعمي
خش برجلك يلا وِسَمِّي
صندوق الدنيا بِحِواراته
ياما غنييت ليه..
دلوقتي خلاص أخر همي
كنت الأرجوز اللي يضحك
جوا وبرا
يتنطط، يفرح، وِيْنَكِت
جوه الجره
بيحس الضحكه البهتانه
من غيرها اللي كتير شقيااانه
ويطيب خاطر المضطره
سيبت الصندوق رغم عياااطه
بيعاني كتير من حواراته
بيجرحوا فيه
واللمه اللي اخباره وياااهم
قاعدين فِ الفوضى علي عماهم
واهو فرطوا فيه
روحت اخد منه اللي إتبقي
واناقاعد أبكى بحُرقه وشَهْقَه
من خوفي عليه
فتلموا اللمه التعبانه
علي حزب الله
وقالولي ملكش هنا مَكانه
إتفضل يلا إطلع برااا…
كنت الأراجوز
كلمات . نجوي المغوري
