حياتي دي مدرسة . بقلم وكلمات  الشاعر . أيمن شوقي . عالم الفن والأدب 

حياتي دي مدرسة
الكل فيها يتعلم
يجي يشوف الهندسة
واللي متعلمش يتعلم

كل خطوة مدروسة
والخطوة مني بتعلم
واضحة باينة ملموسة
تعالي شوف واتعلم

ياللي ضحكتك مفقوسة
وقلت ده مش هيتعلم
نقبك جه علي شونه
وبقيت واقف انا بعلم

نيتك بالحقد مهوسه
وكملت انا طريقي بتعلم
مفكرها ماشية بالكوسة
لا دلوقت انا اللي بعلم

لو عينك عليا مدسوسة
مهما تشوف مش هتتعلم
مش غرور مني يا سوسة
فنيت عمري ولسه بتعلم