وجع الاحساس  خواطر وكتابة وسيم نبيل . عالم الفن والأدب.

عايش الدور أصله واد قمور
لعب بقلب البت الغلبانة
ولبسها ف الآخر طاطور
عشانه هيا حبته بكل أمانة
وهو كان واخدها سد خانة

راجل ياد لعبت بمشاعرها
وبكره رايح تشوف غيرها
ماهيا خلاص مابقتش نافعة
مانت خلاص خدت خيرها
وتركنها ع الرف
مع الباقية

مفكر إنها مهنة شرف
إنك تلعب بمشاعر الملهية
وفاكر إنه كده رجولة
إنك تلعب بأم دفاير حرير
ماهيا مش مسئولة
إنها حبت نطع شبه الحمير

بس مش ذنبها
إنها اختارتك إنت عن الكل
مش ذنب قلبها
إنها ماشفتكش شوك شافتك فل

ويمكن الأيام تدور
وتشرب من نفس الكأس
يمكن يتكسر الغرور
وتعرف يعني إيه وجع الإحساس
وتعرف وجع الإحساس

#وسيم_نبيل