«أنا أعرف نفسي أكتر منك».بقلم الكاتب والشاعر جمال موسي . عالم الفن والأدب 

أعزائى القراء
فيه ناس كتير متصدقكش فى معظم كلامك. وحاجة غريبة عاملة زى واحد مثلاً، يسألك اسمك إيه وتقوله فلان، يقولك لا أنت مش فلان، ودى مصيبة. تقول عملت يقولك معملتش، تقول رحت يقولك لا مروحتش.
هذا النوع من البشر غريب وبيتعب كل اللى حواليه، وتلاقيه ملوش أصدقاء لأنه معندوش ثقة فى نفسه،
أولاً وبالتالى لا يثق فى أحد على الإطلاق.
ففى هذه المقطوعة الشعرية ألقيت بعض الأضواء على هذا الموضوع.
أرجو أن ينال إعجابكم.

أنا عارف نفسى وإنت بتغلطنى
طيب يا بارد هاتعرف أكتر منى
جوايا ده أنا مش إنت خف عنى
بحاول أقنعك وإنت البعيد غبى
ده حال ميرضيش عدو ولا حبيب
كلامى عنى وأنا من بره لم أجيب
قلت روحت طيب تقول لم تغيب
أرجوك اغرب عنى الحكاية نصيب
إن حلفتلك على الميه تبقى حليب
إنت هو إنت مش ها خليك تجيب
أنا عايزك تسمعنى واعتبرنى حبيب
لكن أقول إيه إنت زى مانت غريب
لو تصدق كلامى مرة وتكون هادى
تلاقين بقولك اللى عندى وأنا ماشى
وأى شى أنا باعمله ده مش أى شى
دى قناعتى تقتنع ماش وإلا فلا شى